Aarbechten u Grenzbréck zu Wuermer  

Vu Mäerz un dierft de Wee op d'Aarbecht fir vill däitsch Grenzpendler ee gudde Krack méi laang daueren. Wéi och schonn aner Medie gemellt hunn, wäerten nämlech d'Ponts et chaussées vum nächste Mount un d'Muselbréck tëscht Wuermer an dem däitsche Wincheringen renovéieren. Wärend der Zäit vum Chantier, dee bis Oktober/November dauere soll, wäerten Automobiliste just nach an eng Richtung, an zwar a Richtung Däitschland, iwwert d'Bréck fueren duerfen.